þú vildir klukk, HÉRNA ER KLUKK!

Ég var víst klukkuð í þessum ótrúlega nýtískulega klukkleik svo ég verð víst að taka afleiðingum þess...hír gós:

* Ég er haldin dúkkuhræðslu á mjög háu stigi, allur bleiki klúbburinn sem fór með mig upp í sumarbústað í sumar er til vitnis um það.

* Ég er myrkfælin á við tíu ára barn.

* Ég sef með kveikt á bláum lampa á nóttunni sem hefur fengið nafnið Trítill

* Þegar ég var ellefu ára fékk ég skyndilega yfirskilvitlega mikinn áhuga á jeppum og var með myndir af margs konar jeppum hengdar upp á vegg í herberginu mínu. Töff, ha ?

* Ég gekk í mjög spes fötum þegar ég var lítil. Til dæmis lét ég ömmu prjóna á mig vesti sem ég var í við skyrtu og gallabuxur. Samt langaði mig ekkert að vera strákur, þessu hef ég ekki enn fundið útskýringu á. Og nei, ég hef aldrei laðast að stelpum, sama hvað þessi fatasmekkur minn á yngri árum kann að gefa til kynna.

Hér með er klukki valgerðar lokið.

takk fyrir.