omg lol grads!

Þeetta eiga allir að segja við mig á morgun eða bara strax eftir miðnætti. Enda á ég nú afmæli 1.sept, sem hefur líklegast ekki farið framhjá neinum sem hefur umgengist mig af viti..tja..seinustu vikuna eða svo.

Að öðru..ég var að velta mikið fyrir mér þessum yfirskilvitlega súra fatasmekk sem einkennir ferðamenn á Íslandi og ég skil bara ekkert í þessu. Annað hvort halda þeir að maður skuli nú vera ljótt klæddur, maður er nú einu sinni að fara til Íslands! Eða þá að við erum bara einfaldlega mun meira kúl á því en þessir útlendingar..? Þetta er ráðgáta, ég vil fá fagmenn í þetta mál. Ætti hreinlega að vera næsta viðfangsefni í einhverjum af "Hipp og kúl"-þáttum sem eru farnir að vera ráðandi í íslensku sjónvarpi.

Heyrði að nýjasti þátturinn af þessari gerð, VEGGFÓÐUR(hipp og kúl rapptónlist), væri algjört 101 r u f4g!? Verð að tékka á því..annars skulum við bara vera glöð í bragði vegna komandi afmælis og horfa á o.c af miklum krafti.

Daughter in the house of fools- enon
Bandit Queen- Loop Troop
The dress looks nice on you- Sufjan Stevens
Dreams- TV on the radio

Var að bíða eftir strætó áðan og lenti í yfirheyrslu níu ára stelpu sem er í fjórða bekk í Hlíðaskóla og þetta voru alveg undarlegustu spurningar, allt frá því hvað bekkurinn minn væri stór(þrátt fyrir að ég hafi sagt henni að ég væri ekki í neinum bekk) og yfir í hvort mamma mín byggi heima hjá mér.

Það var fyndið fyrst en svo fór ég að vera hrædd. Samt gott að hún eigi svona auðvelt með að skemmta sér á meðan hún tjillar á bekknum fyrir utan Sunnubúð. Sem er bæ ðe vei heitasta hangoutpleisið í Hlíðunum...bekkur með skyggni yfir..sjúklega röff staður. Ég ætti kannski að fara að stunda þennan bekk vopnuð ipod og bók..náttla svo ógeðslega artí og mikið menntasnobb! Sölvi, þú veist allavega hvað kellingar ég er að vísa til með orðinu menntasnobb!

Vá hvað ég held ég myndi ekki meika að vera skiptinemi, þegar ég sé aðstæðurnar sem skiptineminn frá Belgíu er í og reyni að ímynda mér mig í sömu sporum..sé ég ekkert nema vandræði. Ef að ég væri skiptinemi frá útlöndum og kæmi í MH myndi ég pottþétt koma mér í einhvern ótrúlega vafasaman félagsskap og koma heim aftur ótrúlega stíft máluð og í leðurfötum. Þið getið ykkur bara til um hvaða gengi ég er að tala...og hvar það situr í MH..

Skólastuð

Mig langar til þess að við látum útbúa orður fyrir konurnar sem vinna á skrifstofunni í MH.

Þær eru nefnilega heimsmeistarar í greininni "eru alltaf á túr"
Frábært hvað þær hafa engan áhuga á að aðstoða neinn af þeim sem koma upp á skrifstofu þegar allt þetta stundatöflufár er í gangi. Það liggur við að þær segi nei áður en maður er búinn að bera upp erindi sitt.

Kannski við ættum að búa til svona "ekki tala við okkur"-skilti í leiðinni ?

Held það..held það mikið mikið..rosalega mikið..þær eru svarnir óvinir mínir..vona að ég þurfi ekki að kljást neitt meira við þær fram á næstu stundatöfluafhendingu.

Annars er lífið ágætt fyrir utan landflótta Sigrúnar wannabe-ungverja..hún kemur þó aftur von bráðar...hvað eru tíu mánuðir á milli vina ?

Vala fer að kaupa bensín..

111.3 á laugardegi og 113.6 á mánudegi, eðlilegt ?

Innlit-Útlit án Völu Matt, eðlilegt ?

...Þetta eru rökleysur!

Þetta þjóðfélag er á hvolfi!!! Eina sem getur bætt ástandið er að ég fái 20 manna Spiderman-kökuna mína á afmælinu mínu.

Grinding Halt- The Cure
Milkman- Aphex Twin
Chi e' e non e'- Blonde Redhead
Guajira Bonita-Julian Avalos and Afro-Andes

sunnudagspartí

Vinsamlegast komdu með ítarlega skýringu á hvað felst í því að vera indí...bara e-r sérfræðingur sem hefur brotið þetta mál til mergjar. Mér er spurn því mín greining er bara svona æj lítill plebbi að reyna að vera öðruvísi.

Helgin hefur verið fín og misskrautleg, þakka félögum helgarinnar fyrir...KFC var góður vinur.

Gipsy eyes- Jimi Hendrix
One Love- Massive Attack
The golden path- Chemical Brothers feat. The Flaming Lips

nennir einhver að senda litla trommustrákinn til útlanda í eina-tvær vikur ?? Þetta er ekki alveg að gera sig hjá honum nágranna mínum..(ekki móðgast ísak, hann er örugglega gott barn þegar hann er ekki með kjuðana við höndina).

af hverju..

hefur DV ekkert betra að gera en að setja bloggið mitt í "úr bloggheiminum" ?

láta þetta meira að segja kom út eins og ég sé sjálfstæðismaður...

svo skil ég ekki heldur hvernig þeir komast að því hvað ég heiti fullu nafni...það stendur ekki í prófílnum á blogginu mínu og og og ég held ég hafi örugglega aldrei sett það á síðuna.

Þetta er torskilin veröld krakkar mínir.

(Einhildur, hattarnir sem minnst var á áðan voru svona veiðimannahattar...svo var stelpan með svona fínan klút um hálsinn svo hún var alveg eins og á leið á minkaveiðar).

Það hefur hér með setið dansari í bíl með mér..og hann dansar með NYLON..eigum við að ræða eitthvað hvað ég er inni í celebunum ??

Inni í dag: sjúklega góðu danssporin í nýja nylonmyndbandinu..sver þær gætu meikað það út um ALLAN heim! Bráðum heyrir maður setningar á borð við: Spice girls ? nooo NYLON!

framtíðarplönun

Nú fer aldurinn að færast yfir mann og þá fór ég að spá í hvað ég ætti nú að gera þegar ég verð stór. Ég komst að þeirri niðurstöðu að ég vil vera með einhverja virðulega nafnbót, svo þegar Hulda var að keyra mig í vinnuna í morgun fann ég svarið.

Hún benti á roskinn mann og sagði "hey róni kópavogs"

Ég ætla að verða Róni Höfuðborgarsvæðisins.

Eða ég verð bara fastakúnni í Stórar Stelpur og mæti alltaf með köttinn minn með mér þegar ég máta föt þar.

Ég sá frábæra fjölskyldu í dag, hjón með dóttur sína og þau voru öll með HATTA ekki húfur heldur HATTA. Feðginin voru eins og veiðimenn en mamman eins og meðlimur í samfélagi inka.

indie rock 'n roll- killers

jóhann, farðu..

þegar maður bloggar um hlemm og eitthvað sem mætti nú betur fara verður múgurinn kjaftstopp en bloggirðu um enn ómerkilegri hluti, á borð við holdafar manns í framtíðinni, þá er múgæsingur. Skemmtileg staðreynd um blogg Valgerðar.

Annars vildi ég bara láta ykkur vita að það á ekki að fá sér heilsurétti á Vegamótum(né yfirhöfuð bara) af því að þá ráðast litlir gúmmíkubbar á matinn ykkar...sumsé; Tófú er úti..útiútiútiútiúti!

Inni er hins vegar að krassa brúðkaupsveislur.

Það er líka inni að nota sjálfstæðisflokkinn til að fá frítt áfengi, mat og dansiball.

Tónlistin: The Faint, the Postal Service og Café del Mar..

..þó að dæmið í gær hafi verið alveg fínt krakkar mínir, þá eigið þið samt ekki að kjósa sjálfstæðisplebbana.

Vala tekur strætó

Ef einhver ætlar að halda því fram við mig að Hlemmur sé orðinn skárri og bara skrambi fínn staður núna verður sá hinn sami sleginn utan undir.

Í gær, rétt eftir hádegi, tók ég strætó til Hildar(vegna nýja kerfisins þarf ég að taka TVO strætóa niður í Vesturbæ..æði ?) og þegar á Hlemm var komið tók vingjarnlegur róni á móti mér. Hann var svo sætur í sér að hann pissaði í áttina að mér og veifaði félaganum bara eins og ekkert væri sætara.
Svo var ég búin að jafna mig á þessu dúddúrú, sómaði mér vel sem halta viðrinið meðal allra hlemmaranna, kemur ekki bara sjúklega sjúskað par og kaupir sér eiturlyf beint fyrir framan nefið á mér!

Ég veit ekki með ykkur hin en ég er of viðkvæm fyrir þetta nývöknuð!!!

Er það kannski bara vitleysa í mér að Hlemmur hafi átt að hafa lagast ???

.......ég + strætó= slæm blanda........

Tregafullt lag vegna þess að þetta var svo átakanleg saga: Maria Lando- Susana Baca

"i wish i could but i don't wanna"

Eins og flestir sem mig þekkja vita líklegast núna, þá slasaði ég mig um daginn og hef verið svolítið fötluð síðustu tvær-þrjár vikurnar vegna þess.

Núna eru hjólin þó loks farin að snúast!

Ég herrar mínir og frúr, börn og unglingar..er komin upp í risið aftur! Ég er ekki lengur klessa inni í stofu á svefnsófanum hóóó nei ég er að blogga úr risinu. Ég er komin í herbergið mitt!

...og það er meira að segja hreint.

Ég ræð mér ekki fyrir gleði yfir að vera komin upp í herbergið mitt aftur svo já, ég ætla að fara og halda áfram að vera glöð. Aldrei verið jafngaman að ganga frá þvottinum!

happy happy joy joy- joyer

(coupling(UK) er málið!!!)